قصيدة / صفحة الأبطال للشاعر / أحمد الحجاوي

قصيدة / صفحة الأبطال للشاعر / أحمد الحجاوي

هبدأ منين و لفين ......... ردوا و جاوبوني
إزاي نجول أسفين .......... لعدو صهيوني
و الله يا مصري شرف ......... كتب التارخ بجلمنا
بلا إسرائيل بلا جرف ........ مرفعنا فوقها علمنا
جالوا دا مصري جبان ....... جالوا دا مصري جبان
لكن يا عالم فشر........... هيشوفوا لسة كمان
دا أحنا الفراعنة يا بشر... هما اللي شعب جبان
رابش في جاع الزير ........ بيزلوا في الغلبان
حبة كلاب خنازير ........... حبة كلاب خنازير
كان الوطن مسجون .......... و حصار حوالينا
لما بنو صهيون ............ كانوا هنا في سينا
صرخ و جال إلحقوني ....... و كفاية حرب و دمار
يا ولاد بلدي إنقذوني ..... نفسي أشوف العمار
لبت ولادة الندا .......... و راحوا يخدوا بأدية
رفعوا رايات الفدا ....... و الكل راح يفدية
عدوا الرجال الكمين ...... و حطموا بارليف
مع إنهم صايمين .......... و في عز حر الصيف
و عدا جيشنا في سينا ..... بالجوة راحوا يجبوها
و علشانها غالية علينا . حلفوا الشباب ما يسبوها
حلفوا ليوم ننتصر ......... ما النصر دا بتاعنا
أصل إحنا لا بننكسر ........ و لا يتلوي دراعنا
عبروا قناة السويس ........ و إتحررت أرضنا
طردوا العدو الخسيس ....... اللي إنتهك عرضنا
و الكل كبر و جال ......... الله أكبر يا سينا
علي شط دم الرجال ......... بالنصر أهو رسينا
طلع النهار بيهم .......... بعد أما ليلك طال
و كتبنا أسميهم ........... في صفحة الأبطال